श्विन अभावी....

१९ ऑगस्ट २०१७

कालच गुलजार यांची जन्मतारीख होती. हळव्या मनाचा कवी! खरच मराठी असो वा हिंदी...पण कविता, चित्रपटसंगीत यांनी आपले जीवन समृद्ध नक्कीच केले आहे.

कोणतीही भावना असो ती ज्यांना पद्यात मांडता येते, ते खरोखरीच भाग्यवान. मला कविता लिहिता येत नसल्या तरी, श्विनमुळे रोज लिखाणाची सवय लागली होती.
मात्र गेला आठवडाभर घरीच असल्यामुळे श्विनसवारी बंदच होती. त्यामुळे काही लिहायलाही सुचत नव्हते. खरतर सूर्य उगवत होता आणि मावळत होता यापलीकडे कोणत्याही भावना जाणवत नव्हत्या.

#dombivlicyclingclub च्या सदस्यांचे प्लॅन्स रोज समजत होते. #tjsbbank मधील घडामोडी कळत होत्या. पण मी मात्र घराबाहेर पडू शकत नाही हि भावना अस्वस्थ करणारी होती.

काहीजणांचे फोन आले की तू लिही! पण काय लिहिणार? श्विन समोर असून तिच्याबरोबर फिरायला जाता येत नाही तर....

श्विनसवारी नसल्यामुळे 'खाली हाथ शाम आई है खाली हाथ जायेगी' अशीच अवस्था झाली आहे. सात दिवसानंतर विचार केला निदान श्विन जवळ तरी जाऊया.

श्विनकडे जाण्यासाठी टेरेसचा दरवाजा उघडला. समोर गुलाबाची फुलं छान उमलली होती. माझ्या आवडत्या मघई पानांचा वेलसुद्धा स्वागत करत होता. मात्र श्विनकडे पाहिले, तर ती मात्र हिरमसून मान वळवून उभी होती. समोरचे गुलाबही श्विनच्या चेहऱ्यावरील उदासी घालवू शकत नव्हते.

श्विनजवळ मी फार थांबू शकलो नाही. मीसुद्धा उदास झालो होतो आणि डोळ्यासमोर एकच चेहरा समोर आला ...राजेश खन्ना!

किशोरदांचा आवाज, राजेश खन्नाचा अभिनय असणारी गाणी सुरु केली आणि उदास भावसुद्धा किती आनंद देतो हे लक्षात आले.