नभ मेघांनी आक्रमिले

'नभ मेघांनी आक्रमिले' अशीच परिस्थिती आजही सकाळी होती. मी थोड्याश्या आळसातच सायकलिंगसाठी घराबाहेर पडलो. मात्र सायकलजवळ जाताजाताच आळस पळून गेला होता.

पाऊस मात्र सुरु नव्हता. उशिरा निघाल्यामुळे आज नेवाळी फाट्यापर्यंत न जाता बदलापूर पाइपलाईन रोडला लागताच १-२ किमी जाऊनच परत वळलो.

#dombivlicyclingclub चे रोज राइडला जाणारे @riteshsavala, @गंधारडोम्बिवलीकर, @arnavkulkarni आणि इतर सदस्य राईड संपवून बहुदा लवकर परत फिरले होते. त्यामुळे जरी आज कोणाशीच संपर्क झाला नाही, तरी नेहमीप्रमाणेच स्वतःशी संवाद साधण्याची संधी सायकलिंग करताना आजही मिळालीच.

घराबाहेर पडताना वरुण राजाने दाखवलेला रागरंग घरी परत निघालो तेव्हाही तसाच होता. सूर्यदर्शनाचा पत्ता नव्हताच, पण आषाढधारांचाही पत्ता नव्हता.

मी मात्र पाऊस येईल या अंदाजाने आजही रेनकोट घालूनच सायकलिंग करत होतो.
घरी परत येईपर्यंत पाऊस काही आला नाही, पण तरीही रेनकोट घालून मी चिंब भिजलो होतो....पर्जन्यधारांनी नाही तरी घामाच्या धारांनी.

#cyclingzens #cycle2work #ismartcommute #tjsbbank #saveoursahyadri